Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Confronta il testo attuale con

CEI2008

CEI 2008
CEI1974

CEI 1974
INTERCONFESSIONALE

Interconfessionale
EBRAICO

AT ebraico
GRECO_LXX

AT greco
GRECO_NT

NT greco

Capitoli
1
2
3
4
5
6
7
8
9
10
11
12
13
BibbiaEDU-logo

Nova Vulgata - Vetus Testamentum - Nehemiae - 9

Nehemiae

Nova Vulgata Torna al libro

NT greco

Nova Vulgata 9 9,1In die autem vicesimo quarto mensis huius convenerunt filii Israel in ieiunio et in saccis, et humus super eos.
Nova Vulgata 9,2Et separatum est semen filiorum Israel ab omni alienigena; et steterunt et confitebantur peccata sua et iniquitates patrum suorum.
Nova Vulgata 9,3Et consurrexerunt ad standum et legerunt in volumine legis Domini Dei sui per quartam partem diei; et per quartam partem confitebantur et adorabant Dominum Deum suum.

Nova Vulgata
9,4Surrexerunt autem super gradum Levitarum Iesua et Bani et Cadmihel, Sebania, Bunni, Serebia, Bani et Chanani et clamaverunt voce magna ad Dominum Deum suum.
Nova Vulgata 9,5Et dixerunt Levitae Iesua et Cadmihel, Bani, Hasabneia, Serebia, Hodia, Sebania, Phethahia:

«Surgite, benedicite Domino Deo vestro

ab aetemo usque in aeternum,

et benedicant nomini gloriae tuae excelso

super omnem benedictionem et laudem.

Nova Vulgata
9,6Tu ipse, Domine, solus;

tu fecisti caelum et caelum caelorum

et omnem exercitum eorum,

terram et universa, quae in ea sunt,
maria et omnia, quae in eis sunt;

et tu vivificas omnia haec,

et exercitus caeli te adorat.

Nova Vulgata
9,7Tu ipse, Domine Deus, qui elegisti Abram

et eduxisti eum de Ur Chaldaeorum

et posuisti nomen eius Abraham.

Nova Vulgata
9,8Et invenisti cor eius fidele coram te

et percussisti cum eo foedus,

ut dares terram Chananaei, Hetthaei et Amorraei

et Pherezaei et Iebusaei et Gergesaei,

nempe ut dares semini eius;

et implesti verba tua,

quoniam iustus es.

Nova Vulgata
9,9Et vidisti afflictionem patrum nostrorum in Aegypto

clamoremque eorum audisti iuxta mare Rubrum.

Nova Vulgata
9,10Et dedisti signa atque portenta in pharaone

et in universis servis eius et in omni populo terrae illius;

cognovisti enim quia superbe egerant contra eos,

et fecisti tibi nomen, sicut et in hac die.

Nova Vulgata
9,11Et mare divisisti ante eos,

et transierunt per medium maris in sicco;

persecutores autem eorum proiecisti in profundum,

quasi lapidem in aquas validas.

Nova Vulgata
9,12Et in columna nubis ductor eorum fuisti per diem

et in columna ignis per noctem,

ut illuminaret eis viam, per quam ingrediebantur.

Nova Vulgata
9,13Ad montem quoque Sinai descendisti

et locutus es cum eis de caelo;

et dedisti eis iudicia recta

et legem rectam, mandata et praecepta bona.

Nova Vulgata
9,14Et sabbatum sanctificatum tuum ostendisti eis

et praecepta et mandata et legem praecepisti eis

in manu Moysi servi tui.

Nova Vulgata
9,15Panem quoque de caelo dedisti eis in fame eorum

et aquam de petra eduxisti eis in siti eorum;

et dixisti eis, ut ingrederentur et possiderent terram,

super quam levasti manum tuam, ut traderes eis.

Nova Vulgata
9,16Ipsi vero patres nostri superbe egerunt

et induraverunt cervices suas et non audierunt mandata tua.

Nova Vulgata
Et noluerunt audire

et non sunt recordati mirabilium tuorum, quae feceras eis,

et induraverunt cervices suas

et posuerunt caput suum,

ut reverterentur ad servitutem suam in Aegyptum.

Tu autem Deus propitius, clemens et misericors,

longanimis et multae miserationis, non dereliquisti eos.

17 In Aegyptum - Lege cum nonnullis mss bemiṣrajim; TM «per contentionem»
Nova Vulgata
9,18Et quidem, cum fecissent sibi vitulum conflatilem

et dixissent: “Iste est Deus tuus,

qui eduxit te de Aegypto”

feceruntque blasphemias magnas;

Nova Vulgata
9,19tu autem in misericordiis tuis multis

non dimisisti eos in deserto:

columna nubis non recessit ab eis per diem,

ut duceret eos in viam;

et columna ignis per noctem,

ut illuminaret eis iter, per quod ingrederentur.

Nova Vulgata
9,20Et spiritum tuum bonum dedisti, qui doceret eos,

et manna tuum non prohibuisti ab ore eorum

et aquam dedisti eis in siti eorum.

Nova Vulgata
9,21Quadraginta annis pavisti eos in deserto,

nihilque eis defuit;

vestimenta eorum non inveteraverunt,

et pedes eorum non intumuerunt.

Nova Vulgata
9,22Et dedisti eis regna et populos

et partitus es eis sortes;

et possederunt terram Sehon et terram regis Hesebon

et terram Og regis Basan.

Nova Vulgata
9,23Et multiplicasti filios eorum sicut stellas caeli;

et adduxisti eos ad terram, de qua dixeras patribus eorum,

ut ingrederentur et possiderent.

Nova Vulgata
9,24Et venerunt filii et possederunt terram,

et humiliasti coram eis habitatores terrae Chananaeos;

et dedisti eos in manu eorum

et reges eorum et populos terrae,

ut facerent eis, sicut placebat illis.

Nova Vulgata
9,25Ceperunt itaque urbes munitas et humum pinguem;

et possederunt domos plenas cunctis bonis,

cisternas ab aliis fabricatas, vineas et oliveta

et ligna pomifera multa.

Et comederunt et saturati sunt et impinguati sunt

et delectati sunt in bonitate tua magna.

Nova Vulgata
9,26Vexaverunt autem te et rebellaverunt contra te

et proiecerunt legem tuam post terga sua;

et prophetas tuos occiderunt,

qui contestabantur eos, ut reverterentur ad te;

feceruntque blasphemias grandes.

Nova Vulgata
9,27Et dedisti eos in manu hostium suorum,

et afflixerunt eos;

et in tempore tribulationis suae clamaverunt ad te,

et tu de caelo audisti

et secundum miserationes tuas multas dedisti eis salvatores,

qui salvarent eos da manu hostium suorum.

Nova Vulgata
9,28Cumque requievissent, reversi sunt,

ut facerent malum in conspectu tuo;

et dereliquisti eos in manu inimicorum suorum,

et dominati sunt eis.

Conversique sunt et clamaverunt ad te;

tu autem de caelo exaudisti

et liberasti eos in misericordiis tuis multis vicibus.

Nova Vulgata
9,29Et contestatus es eos, ut reduceres eos ad legem tuam;

ipsi vero superbe egerunt
et non audierunt mandata tua

et in iudicia tua peccaverunt, quae si fecerit homo, vivet in eis,
et dederunt umerum rebellem

et cervicem suam induraverunt nec audierunt.

Nova Vulgata
9,30Et pepercisti eis annos multos

et contestatus es eos in spiritu tuo

per manum prophetarum tuorum,
et non audierunt;

et tradidisti eos in manu populorum terrarum.

Nova Vulgata
9,31In misericordiis autem tuis plurimis

non fecisti eos in consumptionem
nec dereliquisti eos;

quoniam Deus misericors et clemens es tu.

Nova Vulgata
9,32Nunc itaque, Deus noster magne, fortis et terribilis,

custodiens pactum et misericordiam,

ne parvipendas omnem laborem,

qui invenit nos, reges nostros et principes nostros

et sacerdotes nostros et prophetas nostros

et patres nostros et omnem populum tuum

a diebus regum Assyriae usque in diem hanc.

Nova Vulgata
9,33Et tu iustus es in omnibus, quae venerunt super nos,

quia recte fecisti,

nos autem impie egimus.

Nova Vulgata
9,34Reges nostri, principes nostri, sacerdotes nostri et patres nostri

non fecerunt legem tuam

et non attenderunt mandata tua et testimonia tua,

quae testificatus es in eis.

Nova Vulgata
9,35Et ipsi in regnis suis et in bonitate tua multa, quam dederas eis,

et in terra latissima et pingui,

quam tradideras in conspectu eorum,

non servierunt tibi nec reversi sunt a studiis suis pessimis.

Nova Vulgata
9,36Ecce nos ipsi hodie servi sumus;

et in terra, quam dedisti patribus nostris,

ut comederent fructum eius et bona eius, nos ipsi servi sumus.

Nova Vulgata
9,37Et fruges eius multiplicantur regibus,

quos posuisti super nos propter peccata nostra,

et corporibus nostris dominantur et iumentis nostris

secundum voluntatem suam,

et in tribulatione magna sumus».  
Capitolo 8
Capitolo 10