Nova Vulgata1212,1Iustus quidem tu es, Domine, si disputem tecum; verumtamen de iudiciis loquar ad te. Quare via impiorum prosperatur? Bene est omnibus, qui praevaricantur et inique agunt.
Nova Vulgata 12,2Plantasti eos, et radicem miserunt, proficiunt et faciunt fructum; prope es tu ori eorum et longe a renibus eorum.
Nova Vulgata 12,3Et tu, Domine, nosti me, vidisti me et probasti cor meum tecum; segrega eos quasi gregem ad victimam et sanctifica eos in diem occisionis.
Nova Vulgata 12,4Usquequo lugebit terra, et herba omnis regionis siccabitur propter malitiam habitantium in ea? Consumptum est animal et volucre, quoniam dixerunt: «Non videbit novissima nostra».
Nova Vulgata 12,5«Si cum peditibus currens laborasti, quomodo contendere poteris cum equis? Cum autem in terra pacis securus fueris, quid facies in silva condensa Iordanis?
Nova Vulgata 12,6Nam et fratres tui et domus patris tui, etiam ipsi fraudulenter egerunt adversum te et clamaverunt post te plena voce; ne credas eis, cum locuti fuerint tibi bona».
Nova Vulgata 12,7«Reliqui domum meam, dimisi hereditatem meam; dedi dilectam animae meae in manu inimicorum eius.
Nova Vulgata 12,8Facta est mihi hereditas mea quasi leo in silva; dedit contra me vocem, ideo odivi eam.
Nova Vulgata Numquid avis discolor hereditas mea mihi? Numquid aves in circuitu contra eam? Venite, congregamini, omnes bestiae campi, properate ad devorandum.
9Properate – Lege cum Vg et nonnullis mss Hebraicis (cfr. Gr) ’ētāû; TM «adducite»
Nova Vulgata 12,10Pastores multi demoliti sunt vineam meam, conculcaverunt partem meam; dederunt portionem meam desiderabilem in desertum solitudinis.
Nova Vulgata Posuerunt eam in dissipationem; lugetque coram me desolata, vastata est omnis terra, quia nullus est qui recogitet corde».
11Posuerunt eam – Lege cum Syr, Targ et Vg śāmuhā; TM «posuit eam»
Nova Vulgata 12,12Super omnes colles in deserto venerunt vastatores, quia gladius Domini devorat ab extremo terrae usque ad extremum eius; non est pax universae carni.
Nova Vulgata 12,13Seminaverunt triticum et spinas messuerunt, laboraverunt, et non eis proderit; confundemini a fructibus vestris propter iram furoris Domini.
Nova Vulgata 12,14Haec dicit Dominus adversum omnes vicinos meos pessimos, qui tangunt hereditatem, quam distribui populo meo Israel: «Ecce ego evellam eos de terra sua et domum Iudae evellam de medio eorum.
Nova Vulgata12,15Et erit: cum evulsero eos, convertar et miserebor eorum et reducam eos, virum ad hereditatem suam et virum in terram suam.
Nova Vulgata12,16Et erit: si eruditi didicerint vias populi mei, ut iurent in nomine meo: “Vivit Dominus!”, sicut docuerunt populum meum iurare in Baal, aedificabuntur in medio populi mei.
Nova Vulgata12,17Quod si non audierint, evellam gentem illam evulsione et perditione», ait Dominus.
